ازاى تجيبى ضغط لأخوكى اللى مضايقك!!!!

لأى بنت مقهوره


وعايزة تنتقم من


أخوها وترفع


ضغطه



**لو فى مبارة فى التلفزيون**



لو فى مباراة والأخ متحمس أقطعى الحماس ده


ازاى


أنا اقلك


استنى لحد ما يندمج اوى مع المباراة


وهتعرفى أنه اندمج لما تلاقى عنيه مفتوحين على


الااااخر ومش همه حد يعنى ممكن تجيبى صاروخ تفجريه


جنبه ولا يلتفت


هنا بقى قومى بشغلك


روحى جيبى قطعه قماش وبخاخ التنظيف واقفى عند التلفزيون وامسحى الشاشه


واذا قال ابعدى


قوليله أنا مش فاضيالك أنا بنضف وبمسح


وبعدين روحى جيبى المكنسة واكنسى المكان اللى


هو فيه وحاولى كل شوية تكنسى قدام التلفزيون


يعنى لا صوت ولا صورة


وغطى عليه ولا يهمك


ولوقال ابعدى وحسيتى أنه هايحدفك بحاجة


قولى يعنى اسيب البيت كده والضيوف جايين في السكة


وبعدكده اعملى أنك نسيتى الكيك فى الفرن


ودوسى على رجليه واجرى وماتبصيش وراكى



*عند النوم*


لما تحسى أنه دخل فى النوم


هاتى اى طفل يقابلك ابن اختك او اخواتك الصغيرين


ابن الجيران ان شالله ابن البواب


ودخليه يلعب فى اوضته فوق راسه


وقوليله الأطفال احباب الله


اوتعالى وهو فى سابع نومه وازغفيه


الزغفة اللى يصحى مايحسش


بنفسه الا وهو قاعد


وبكل برود قولى عايزين نخرج


ولوشفتيه مش رايق ومالوش خلق


اوعى تخافى هى دى فرصتك


بس خلى بالك من حركات اديه


وحضرى مفتاح اوضتك علشان هاتحتاجيه


واضحكى على شكله وعلى شعره وقعدته


وعلى هدومه


واذا قال ابعدى علشان أنا مش رايق


زودى العيار حبتين


ولو حسيتى باى غدر


استعملى مفتاح اوضتك واقفلى على نفسك



*وقت المعركة*


ولو طقت فى دماغك وحبيتى انك تقومى


بمعركة انتى وهو


لازم تجهزى نفسك من كل ناحية


1/اللبس:لازم تلبسى تريننج علشان يسهل الجرى


2/الشوشة لازم تلميها


واليوم ده ياريت تكونى حاطة حنة على راسك


علشان مايتجرئش يلمس شعرك


3/مفتاح الاوضة لأن الإحتياط واجب


اذا بدأت المعركة اوعى تبينى انك خايفة


وأول ما ايده تطول


اوعى تستسلمى واديله



طراااااااااااااااااخ



بالبوكس فى عينه علشان مايشفش ادامة


وحطى رجلك ادامة


وعلى طووووووووول


على اوضتك اللى مجهزة مفتاحها قبل كده


بس نصيحة اقعدى يومين لايشوفك ولا تشوفيه


لأنه عاوز ينتقم لكرامته


وممكن يوريكى النجوم فى عز الضهر

ههههههههههههههههههههه
هو كده بقي يا احمد
رزاله عشان تتهدوا شوية
يسلملي مرورك

هههههههههههههههههههههههه
بقي كده يعني][center]

هههههههههههههههه
انتوا اللي جبتوه لنفسكم
عشان ما تفتروش علينا
نورت يا احمد

ههههههههههههههههههههههههههههه
تمام تمام
بس كده يموت مش يجيلوا ضغط عالى بس [center]

هههههههههههههههههههههه
احسن حد قالكم
تضايقونا

ههههههههههههههههههههه
هو يقدر يا دودي
انتي هاجمي علي طول
نورتيني ياقمر

وربنا انا لو ليا اخت كنت جبتلها شلل رعاش

نورت ياا خالد
مرسي ليك

هههههههههههههههههههههههههه
هتعملي كل ده عشان تجبيله الضغط
امال لو عيزه تموتيه هتعملي ايه
ده انتم تحرقوا الدم بجد
شكرا يا روني تسلم ايدك

ههههههههههههههههههههه
هفكرله في طريقة تانية عشان
اموته بس لازم انتقم من شره
مرسي ليك يا ايمن علي مرورك نورتني

تسلم ايدك يا رونى وهوة دة المفروض اللي يتعمل فيهم مش يستهلوا غير كدة مننا عشان هما صنف عسل اووووووووووووووووووووووووووووووووى انا لما اتجوز هطلع عينةوهعمل اكتر من كدة

ههههههههههههههههههههههههههههههه
والله عندك حق يا هنوووووود
نورتي يا قمر